ඉදිරි ආරක්ෂක වලල්ලේ #ලේ හලපු උඹට....
සහ ඒ රත්තරන් යකඩ #ගැහැණියට.....
💚💛💜💜💛💚💚💛💜💜💛💚💖

ගලනා උණු ලේ රුහිරු කඳුළු ගඟ
ගිනියම් පොලෝ තලයම උරාගෙන
නිහඬයි නේද අද පුදුමාතලන් බිම
ගිණි ගෙන ඇවිලුනත් හදවතක් අද...

පොපිමල් පිපී හිනා සුනත් හතර වට
ඒවට පුළුවන්ද දිවියේ සිනා මවන්නට
හෙට දින මගේ කුඩුවේ බිත්තියෙන් වට
රතු රෝස මල් නොපිපෙද බයයි මට...

සසරේ ලේ බිංඳු වලටත් දැනුණ පෙම
අතහැර යන්නෙ නෑ නුඹ සොයුර මම
රට වෙනුවෙන් ඇස් ඉස් මස් දුන්න නුඹ
සැමියෙක් මෙන්ම විරුවෙකි අදත් මට....

ඉස්සර වගේ නුඹ අල්ලන් මගේ අත
යන්නට බැරි උනත් හිමියනි ලෝකෙ වට
කරකවමින් නුඹෙ ජීවිතය මේ රෝද උඩ
දකිනෙමි ජීවිතය නුඹේ ඇස් වලින් මම...

අනුකම්පා දෑස් දල්වාගෙන රුදුරු නෙත
හිනැහෙනු ඇත හෙට දින උළුවස්ස යට

අද නැති උනත් නුඹේ සමබරතාව මට
මතුසසරෙත් නුඹ එනතුරු මග බලමි මම...

නුඹේ නමින් හිමි වූ රණබිම් පදක්කම
කීවත් දිග කථාවක් ලගිමින් මේසෙ උඩ
හෙට දින රණබිම නුඹේ අඩුව මකන්නට
නුඹෙ #ලේ_කැටයක් හති හරිනවා මගේ කුස...

✒ධනංජය සෙනවිරත්න.
      ===================