තනි වෙච්ච වෙලාවක....

පොලීසියේ  #ගන්ධබ්බයෙක් ගේ (ගෙදර යන්නට නිවාඩුවක් නැති...) මනෝභාවය....
තනි වෙච්ච වෙලාවක....🥺🥺
=========================🐈🐈

රිදුම් දෙන ගත මදක් සනසන්නට
ඉඩක් දෙනවද මටත් ඈඳි ගන්නට
එල්ලගෙන මේ යකඩ බොත්තම් ටික
ඇවිද ගන්නට බෑ හැට පැනපු මට....

ඔතනතුරු මම මේ බුලත් විට
කියන වද මට උඹේ වත ගොත
වයස නෑ නොවැ පේන්නට බොට
පැටව් එක්කලා පූසි ගෙදරද..

උනත් ආගන්තුක නුඹට මම අද
මගේ උනුසුම උඹ හොයන කොට
මතක් උණි මට ගෙදර දොර ලඟ
පාර බලනා මගෙ පැටව් ටික...

කාත් කවුරුවත් නැතුව උඹ අද
අන්ත අසරණ වෙලා කරුමෙට
ගෙයයි පොලිසියයි අතර මැද අද
මමත් ගන්ධබ්බයෙක් එදා පව් කල..

අපිරිසිදු නැති මුත් මගේ අත් දෙක
රවයි මිනිසුන් මගේ මේ ඇඳුමට
දැනෙන පාලුව දුක තුනී වෙන්නට
ටිකක් ඉඳපං #පුතේ මගේ තනියට...

________________________ධනා.