#උනහපුලු තාත්තෙකුගෙන්
අකාරුණික වැසි දියට ආයාචනයක්.....😢🥺
_____________________________________________

ලොවේ මට ඇති එකම සම්පත
හැංගුවත් මම නුඹෙන් බේරන්නට
පෙඟී ගිය උගේ ඇඟිලි බිත්තර
එක්ක ඌ ගැහෙනවා හොඳටම...

අද ලැබුණු මේ දවසෙ සොච්චම
අරන් දුන්නු ඒ, උගේ විස්කෝතුව
නංගිත් එක්කලා බෙදන් කන්නට
දකින හීනේ බොඳ කරනවද නුඹ...

ඉන්න බැරිනම් තවත් ඉවසගෙන
තෙමාපං ඉතින් දිලිඳු මේ හදවත
පෙඟුණු දෑතින් ඌ තුරුල්වීගෙන
රත් කරයි මා,උගෙ කඳුළු දිය කර...

ඒත්...

ඇයිද වැහි බිඳු මෙසේ සැර වැර
නැතිඳ අනුකම්පා මටත් නුඹ ලඟ
මගේ උන හපුලු, පැටියත් අරන් මම
කූඩු වෙනකම් මදක් ඉනු මැන...

ධනා....