#Migraine #මිග්‍රේන්_________

 #Migraine__මිග්‍රේන්_________😒🤔🤔🤔

හැදුනම මැරෙන්න හිතෙන හිසේරදය, හැමෝම කියන මිග්‍රේන් ගැන පුංචි දැනුවත් කිරීමක් තමයි මේ. 

සමහර අයට මේ හිසේරදය කොච්චර වේදනාවක් ද කියනව නම් මනුස්සයෙක් පිහියකින් ඔලුවට අනිනව වගේ දැනෙනවා කියලා කියයි. කවුරු හරි ඔලුවට පොල්ලකින් ගහලා වගේ දැනෙනවා කියලා කියයි. ඒක දන්නේ හැදුන කෙනාම තමයි ඉතින්. 

MIGRAINE

මේක ටිකක් සුලබ තත්වයේ හිසරදයක්. ඒ හිසරදය එන්නෙ නිකන්ම නෙවෙයි. ඔක්කාරය, වමනය සහ ආලෝකය දෙස බැලීමට අපහසු වීම යන ලක්ශන එක්ක.

මොනාද මේකට හේතු

මොළයේ ඇති Cerebral artery එහෙමත් නැත්නම් ධමනි විස්තාරනය වීමත් හැකිලීමත් නිසා ඇති විය හැකි තත්වයක්.

ගොඩක්ම හැදෙන්නේ ස්ත්‍රී පාර්ශවයට.

සමහර අයට පරම්පරාවෙන් එන්නත් පුලුවන්.

සමහර සුවඳවල්, ගඳවල්, අධික ශබ්ධයන්, වැඩි ආලෝකය සහ දුම් බීම ආදිය මේකට හේතුවෙනව.

හිසරදය මේ පහළ හේතූන් නිසා දරුණු වෙන්න පුලුවන්.

* කැෆේන් අඩංගු ආහාර

*හෝමෝන වෙනස් වීම (කාන්තාවන්ගේ ඔසප් චක්‍රයේ වෙනස් වීම් නිසා)

*නින්ද යාමේ වෙනස් වීම්

*ව්‍යායාම 

* ආහාර වේල් අතපසු වීම්

* දුම් බීම හෝ දුම ආග්‍රහනය වීම

ඒ වගේම පහත සඳහන් ආහාර හිසරදය තව තවත් වැඩිකරන්න හේතු වෙනව.

*සකසන ලද ආහාර, අච්චාරු, පැසීමට බදුන් කල ආහාර, රසකාරක යෙදූ ආහාර (MSG අඩංගු ආහාර)

*බේක් කරන ලද ආහාර, චොකලට්, රටකජු, කජු, බටර් වැනි කිරි නිශ්පාදන

*රතු වයින්, චීස්, දුම් ගසන ලද මාලු, කුකුල් මස් පීකුදු, බෝංචි

*පළතුරු(අලිපේර,කෙසෙල්,පැඟුරි කුළයේ පළතුරු)

*නයුට්‍රේට අඩංගු මස් වර්ග(බේකන්,හොට් ඩෝග්ස්,සලාමි)

*ළූණු

රෝග ලක්ශන

*පෙනීමට බාධා ඇති වීම(මෙය මිග්‍රේන් වල පූර්ව අනතුරු හැඟවීමකි)

*පොඩි තිත් වැනි දෙයක් ඇස මත ඇති සේ දැනීම

*බොඳ වී පෙනීම

*ඇස් වල වේදනාව

*තාරකා වැනි හෝ සිග්සැග්  ආකාරයේ ඉරි පෙනීම

*කලුවර වීම

මෙය අඩු වේදනාවක සිට ඉතා දරුණු වේදනාවක් දක්වා වැඩි වියහැකිය.

සාමාන්‍යයෙන් පැය 6-48ක් අතර කාලයක් පැවතිය හැකිය.

මෙම හිසරදය සමඟ පහත ලක්ශන ඇති  විය හැකිය.

*සීතල

*මූත්‍රා කිරීමේ වාර ගනන වැඩි වීම

*අලස බව

*ආහාර අරුචිය

*ඔක්කාරය සමඟ වමනය

*හිරිවැටීම හෝ දුර්වලබව

*අකුරු කියවීමට අපහසු වීම

*දහඩිය දැමීම

*ආලෝකයට හෝ ශබ්ධයට සංවේදී වීම.

ඉහත ලක්ශන ඇත්නම් ඔබත් වෛද්‍යවරයකු හමුවන්න. 

(සේයා රූ  හා  දත්ත -  අන්තර්ජාලය  ඇසුරිනි)

දීර්ඝායුෂ ශාක පත්‍රය

 

දෙවියන්  තෑගි කළ

දීර්ඝායුෂ  ශාක පත්‍රය                                   මුරුංගා  කොළ.☘️☘️

=====================                          

  දීර්ඝායුෂ ශාකය  ලෙස  හඳුන්වනු  ලබන      කරල්   මුරුංගාවල   රස ගුණ   නො දන්නා  කෙනෙක්  නෑ.  ඒත්  මුරුංගා   කොළ  වල  ඇති  විස්මිත   ගුණ  දන්න  අය  නම්  අඩු  ඇති. 

                ඉස්සන් ගෙ   කකුළුවන්ගෙ   සැර  මැකෙන්න අහුරක්   දානවා  ඇර ,ඉඳහිට   කලවම්  පලා  මැල්ලුමකට     එක්කරගන්නවා  ඇර    ඉන්  එහාට  දෙයක්    ගැන   වැඩිදෙනෙක්  හිතන්නෙ  නෑ.

               පසු ගිය දා  මුරුංගා   කොළ   ගැන  පර්යේෂණයක්  කරපු   කංඩායමක්   භොයාගත්  දේ  ඇසුවොත්   ඔබ    පුදුම  වෙයි.

              වසර  4000  ක   කාලයක්  තිස්සේ  මුරුංගා   ආහාර  සහ  ඖෂධ   වශයෙන්   යොදාගෙන   තියෙනවා.  කැල්සියම්    පොටෑසියම්   කැරොටීන්    විටමින්  වර්ග  හා   නොයෙකුත්   පෝෂ්‍ය  පදාර්ථවලිනුත්,  ප්‍රතිඔක්සිකාරක    වලිනුත්   මුරුංගා   කොළ   පොහොසත්.

             අපේ   අනිකුත්  පෝෂ්‍යදායක  ආහාර  හා  මුරුංගා  කොළ   සසඳා   බැලූ විට   හෙළිවූ   කරුණු     ඔබ    අදහයිද   මන්දා.

*යෝගට්වල   මෙන්  9  ගුණයක්  ප්‍රෝටීන්

*කැරට්වල  මෙන්  10  ගුණයක්  විටමින්  ඒ.

*කෙසෙල්වල  මෙන්  15  ගුණයක  පොටෑසියම්

*කිරිවල    මෙන්  17  ගුණයක   කැල්සියම්

*දොඩම්වල  මෙන්  12  ගුණයක  විටමින් සී.

       විශ්වාස ද ?  .. මේ   පර්යේෂණ  කංඩායම  හොයාගත්  දේ.  

නිවිති වලට  වඩා   විස්පස් ගුණයක  යකඩ !  

බිත්තර වලට  වඩා  සිව් ගුණයක  ප්‍රෝටීන්!

කොළ  යුෂ  කෝප්පයක  කිරි කෝප්ප  80 ක  ගුණ!

අදහන්නත්  බැරි  අපූරු  කතා  නේද ?

                   කිසිදු  රසායන  පොහොරක්   නැතිව  ස්වාභාවිකව  වැවෙන   මුරුංගා  ශාකයේ  කොළ ,   සැබැවින් ම    සෞඛ්‍ය වාසි රැසක්  අත්කර  දෙන සුපිරි  බහුකාර්‍ය  ආහාරයක්.

                  ප්‍රතිශක්ති  වර්ධක  ගුණැති   එය   ප්‍රදාහ  නාශක  ගුණයෙන්  යුක්තයි. ඇස්  පෙනීම  වර්ධනය  කර දෙනවා. ගැබිණි  මවුවරුන්ට   හා  ළදරුවන්ට අවශ්‍ය   පෝෂණය  ලබා  දෙන වා .

                  එය   මුලින්ම  ළදරුවන්ට  ඝන ආහාර ලබා  දීමේදී  එකතු කළ යුතු  සුවිශේෂ  ආහාරයක්  සේ  නම්  කෙරෙන්නක්.

                  මුරුංගා  කොළ   පිළිකා   නාශකයක්  ලෙසත්    ක්‍රියාත්මක  වෙනවා.     උදරයේ   ගැස්ට්රයිටීස්    තුවාලවලින්   සැදෙන   පිළිකා,       සමේ  මෙලනින් ඇතිකරන   සෛලවල  පිළිකා,     මෙන් ම   අක්මා    හා පෙණහළු       පිළිකා වලටද   ඉන්   වැට  බැඳෙනවා.

                   එසේ ම   සිරුරේ   සීනි   මට්ටමත්, හදවත්   රෝග කොලෙස්ටරෝල්  හා   රුධිර  පීඩන  මට්ටමත්  පාලනය කිරීමට     එය   උපකාරී වෙනවා. 

  අස්ථි හා  දත්  ශක්තිමත් කරනවා. එමගින්  වියපත්වනවිට ඇතිවිය  හැකි ඔස්ටියෝ පොරෝසිස්  වැනි  රෝග  තත්ත්ව  වළක්වාලනවා.

               

                 ජීර්ණ  පද්ධතියේ  මනා ක්‍රියා කාරිත්වයට  සහායවන  අතර  සිරුරේ, බරත්  පාලනය  කර  දෙනවා.   එය  නිර්මාංශිකයන්ට  ඇතිවිය  හැකි පෝෂණ  ඌණතා ද  සපුරන්නක්.

                යුවතියන්ගේ  රුව  වඩවමින්  මනාව  හිසකෙස්  වවන  මුරුංගා  කොළ    සම ත්    නිරෝගිකර  දෙනවා. තුවාල, ගෙඩි හා  සමේ  ආසාදන  සුවපත්  කරමින්  මුහුණේ  ඇතිවන    වියපත්  රැලි ද  මකාලනවා. එමගින්  වයසින්  ආපස්සට යන  පෙනුමක්  ලබා දෙනවා.

               එපමණක්  නොවෙයි.  මුරුංගා  කොළ    මානසික  සෞඛ්‍යයත්  වර්ධනය කර  දෙන්නක්.

             මුරුංගා  කොළ   මැල්ලුමක්,  වෑංජනයක්,  බැදුමක්  සේ  ආහාරයට  ගත  හැකියි.  අමු කොළ  යුෂ ත්   පානය  කළ  හැකියි. කොළ    මඳ පවනේ වියළා  කුඩුකර  තේ  පානයක්  සේද  සකසා ගත  හැකියි.

            කොළ   කුඩු   දිනපතා   ආභාරයට     දින  90ක්   යොදගත්  විට  විස්මිත  පල  ලැබුණු  බව  කංඩායම  පවසනවා

එමගින්      ලැබුණු     පලදායිත්වයේ  ප්‍රතිඑල      ඔවුන්  ප්‍රතිශත    ලෙස    මෙසේ  ඉදිරිපත්  කළා

*රුධිර  වාහිනී  55%

*අත්මාව  65%

*වකුගඩු   54%

*මොළය   34%      

                  ඉතින්   මේ  තොරතුරුවලින්  අප   වටහා  ගත  යුත්තේ  වඩ වඩාත්   මුරුංගා   කොළ  ආහාරයට  ගැනීමෙන්   අපේ  ශාරීරික   මානසික   සුවය  මනාව  රැකගත  හැකි  බව   නොවේද?

   

                                         

(සේයා රූ  හා  දත්ත -  අන්තර්ජාලය  ඇසුරිනි)